چہرے
یہ رنگ برنگے حسین چہرے
محبتوں کے امین چہرے
کسی کو کافر کئے ہوئے ہیں
کسی کا ایمان و دین چہرے
ہیں باعثِ حرکتِ جواں دل
جواں دلوں کے مکین چہرے
کھلے ہوئے کچھ گلوں کی مانند
خموش کچھ، کچھ متین چہرے
بہت سے چہرے ہیں احمقی سے
مگر ہیں کچھ کچھ ذہین چہرے
توے کی مانند کچھ ہیں چپٹے
بہت سے پتلے مہین چہرے
ضرورتوں کا ہے دور کیسا
بنے ہوئے ہیں مشین چہرے
تضاد کتنے ہیں ان میں اکمل
شریف چہرے کمین چہرے
कोई टिप्पणी नहीं:
एक टिप्पणी भेजें