حمد
مستفعلن مفاعلن
ہر شے تیری حسین ہے ہر شے ہے باکمال
تو رب لا شریک ہے تو رب زوالجلال

بخشی ہیں تونے رات کو تاریکیاں
شدید
اور دن کو تو نے کر دیا روشن و پر جمال
تو رب لا شریک ہے تو رب زوالجلال

مردہ زمین تیری ہی قدرت سے جی اٹھے
تیری ہی قدرتوں سے ہیں یہ سارے ماہ سال
تو رب لا شریک ہے تو رب زوالجلال

یکتا ہے تو صفات میں تیرا نہیں شریک
لاثانی تیری ذات ہےتیری کہاں مثال
تو رب لا شریک ہے تو رب زوالجلال

سب حکم کائنات میں نافذ ہیں بس تیرے
حکموں سے اجتناب ہو کس کی ہے پھر مجال
تو رب لا شریک ہے تو رب زوالجلال


تیرے ہی در پہ سر جھکےمعبود ہے تو ہی
مختار کل ہے جب تو ہی کس سے کروں سوال
تو رب لا شریک ہے تو رب زوالجلال

دنیا کی زندگی ہمیں گمراہ نہ کرے
کل آخرت میں ہوگا ہمیں کتنا پھر ملال
تو رب لا شریک ہے تو رب زوالجلال

دیوبند 15.10.17