مفعول مفاعیل مفاعیل فعولن

ایک پل بھی بنا جس کے گزارا نہ کبھی تھا
ہو کیسے یقیں دل کو ہمارا نہ کبھی تھا
ہم اس سے ہیں غافل جو صدا سے ہے ہمارا
اور اس پہ ہے تکیہ جو ہمارا نہ کبھی تھا
الزام اکیلے ہی میرے سر پہ لگا کیوں
مڑ کر مجھے تو نے بھی پکارا نہ کبھی تھا
حسنین سے سیکھا تھا ہنر پیاس کا ہم نے
دریائوں کا احسان گوارا نہ کبھی تھا
مسکان تھی چہرے پہ نگاہوں میں تھے آنسوں
نظروں کے مقابل یہ نظارہ نہ کبھی تھا
اک تیرا سہارا ہی فقط ہم کو ہے اکمل
پس تیرے سوا کوئی سہارا نہ کبھی تھا

مفعول مفاعیل مفاعیل فعولن
میں اتنا بھی بے وقعت و بیکار نہیں ہوں
سرکار جو بانٹے وہ پرسکار نہیں ہوں
روغن ہے نہ باتی ہے نہ فانوس کوئی ہے
لڑنے کو ہوائوں سے میں تیار نہیں ہوں
گلشن میں گلوں کی ہوں میں تقدیر کا باعث
ہاں خار ہوں لیکن یہ کہ بیکار نہیں ہوں
نظروں کو جھکانے پہ جو مجبور بنا دے
میں ایسی کسی شہ کا طلب گار نہیں ہوں
ہر بار فقط جھوٹ کا پرچار کرے جو
میں دور ترقی کا وہ اخبار نہیں ہوں
ماں باپ کی شفقت کا ہے سر پر مرے سایہ
کیسے کوئی کہہ دے کہ میں زردار نہیں ہوں
پرواز میں ڈالے جو خلل آپ کی اکمل
میں ایسی روایت کا طرفدار نہیں ہوں

تھانے کا میں ایس پی ہوں ہولدار نہیں ہوں